Helstu mannréttindi í stjórnarskránni efnahagsleg, félagsleg og menningarleg mannréttindi. Hallo !!!! Er einhver sem fer eftir þessu á Alþíngi

 1. Helstu mannréttindi í stjórnarskránni. Í stjórnarskránni eru vernduð nokkuð grundvallarmannréttindi. Á 18. og 19. öld þegar einveldi leið undir lok voru mannréttindaákvæði sett í nýjar stjórnarskrár flestra lýðræðisríkja. Mannréttindi á þessum tíma byggðu á þeirri hugmynd að þau væru meðfædd réttindi, einstaklingar fæddust frjálsir og jafnir og ríkinu væri óheimilt að skerða frelsi þeirra nema að þröngum skilyrðum uppfylltum. Þessi réttindi eru gjarnan kölluð borgaraleg og stjórnmáleg réttindi. Á síðari tímum hefur inntak mannréttinda breyst verulega. Þau einkennast ekki lengur af togstreitu ríkis og þegna. Mannréttindi leggja nú auknar skyldur á ríkið til að tryggja þegnum sínum ákveðin lífsgæði með sérstökum aðgerðum, en ekki aðeins láta þá afskiptalausa. Þetta er gjarnan talið einkennandi fyrir svokölluð efnahagsleg, félagsleg og menningarleg mannréttindi. Flest réttindin sem talin eru í stjórnarskránni hafa verið vernduð þar allt frá fyrstu stjórnarskrá Íslands frá 1874. Þau stóðu að mestu leyti óbreytt allt fram til ársins 1995 þegar gagngerar breytingar voru gerðar á þeim. Þá komu inn í stjórnarskrána mörg ný mannréttindi sem sóttu einkum fyrirmynd sína í alþjóðlega mannréttindasamninga sem hafa verið gerðir eftir 1950. Mannréttindaákvæði stjórnarskrárinnar eru í VI. og VII. kafla hennar í 63. – 77. gr. Réttindin eru í stórum dráttum eftirfarandi: Trúfrelsi (63. og 64. gr.), almenna jafnræðisreglan (65. gr.),